ए डिभिजन लिग च्याम्पियन क्लब लक्ष्मी बैँक थ्रीस्टार क्लबका मूख्य प्रशिक्षक प्रदीप हुमागाईँले पदवाट राजीनामा दिनु भएको छ । हुमागाईँले बुधवार राजधानीमा पत्रकार सम्मेलन गरी प्रशिक्षकवाट राजीनामा दिएको घोषणा गर्नु भएको हो ।
उहाँले थ्रीस्टार क्लबले फुटबलमा थुप्रै लगानी गरेपनि फुटबल तथा खेलाडीका लागि व्यवसायिक नभएको आरोप लगाउनुभयो । पत्रकार सम्मेलनमा हुमागाइँले भन्नुभयो,’खेल खेलाडीको शारिरीक फिटनेसले मात्रै खेल्ने होइन । खेलाडीहरुलाई क्बलले खुशी राख्न सक्नु पर्छ । खेलाडीहरु पनि क्लब व्यवस्थापनसंग असन्तुष्ट छन् । त्यसैले मैले पद त्यागेको हुँ ।’ हुमागाइँले थ्रीस्टार क्लबवाट आफूले धेरै कुरा सिकेको र अब अन्य क्लबमा आबद्ध भएर त्यसको सदुपयोग गर्ने वताउनुभयो ।
उहाँले क्बलको तयारी अनुसार खेलाडीले मलेसियामा भएको फाइनल चरणको एएफसी पि्रसिडेन्ट कप फुटबलमा सन्तोषजनक प्रदर्शन गरेको दावी समेत गर्नु भयो ।
हुमागाइँले थ्रीस्टार क्ल्बलार्इ ए डिभिजन लिग, उदयपुर गोल्डकप तथा आहा रारा गोल्डकप फुटबलको उपाधि दिलाउनु भएको थियो ।
No comments:
Post a Comment